Հայկ Մարությանը պատասխանում է Նաիրա Զոհրաբյանին

Միացեք Armenia Today Ֆեյսբուքյան խմբին։

Ավանում քարոզարշավի ժամանակ լրագրողների հետ զրույցում «Իմ քայլը» դաշինքի քաղաքապետի թեկնածու Հայկ Մարությանը՝ անդրադառնալով ԲՀԿ-ի քաղաքապետի թեկնածու Նաիրա Զոհրաբյանի երեկվա սուր ելույթին, ասել է. «Առաջին օրվանից հայտարարել եմ՝ պատրաստ եմ բանավիճել, բայց չեմ տալու նախապատվությունը մեկ ուժի: Մենք 12 մրցակից ենք, ես ունեմ 11 օպոնենտ ու մեծ հաճույքով կգնամ բանավեճի բոլորի հետ՝ միաժամանակ: Ինչո՞ւ պետք է մեկին նախապատվություն տամ, ո՞ր օրենքով, սա ճիշտ չի լինի նաև մյուս թեկնածուների հանդեպ: Դրա համար կոչ եմ անում՝ եկեք 12 թեկնածուներով հավաքվենք, բանավիճենք»:

Անդրադառնալով նախկին իշխանության հետ կապ ունեցող մարդկանց՝ «Իմ քայլը» դաշինքի ցուցակում ընդգրկված լինելու Նաիրա Զոհրաբյանի հայտարարությանը, Հայկ Մարությանն ասել է. «Միքայել Մինասյանի քեռու տղայի անուն-ազգանունը Միքայել Հասրաթյան է, և մենք ցուցակում ունենք նույն անուն-ազգանունով մարդ, բայց լրիվ ուրիշ մարդ է: Ասացին Զորի Բալայանի բարեկամն է ցուցակում: Մեր աշխատողները Զորի Բալայանի որդու հետ են խոսել: Պարզվել է՝ մենք Բալայան ազգանունով մարդ ունենք, որը ոչ մի կապ չունի Զորի Բալայանի հետ: Այսինքն սա լրիվ ապատեղեկատվություն է»:

http://mamul.am/am/news/133313/%D5%B0%D5%A1%D5%B5%D5%AF-%D5%B4%D5%A1%D6%80%D5%B8%D6%82%D5%A9%D5%B5%D5%A1%D5%B6%D5%A8-%D5%BA%D5%A1%D5%BF%D5%A1%D5%BD%D5%AD%D5%A1%D5%B6%D5%B8%D6%82%D5%B4-%D5%A7-%D5%B6%D5%A1%D5%AB%D6%80%D5%A1-%D5%A6%D5%B8%D5%B0%D6%80%D5%A1%D5%A2%D5%B5%D5%A1%D5%B6%D5%AB%D5%B6

Be the first to comment on "Հայկ Մարությանը պատասխանում է Նաիրա Զոհրաբյանին"

Leave a comment

Your email address will not be published.


*


ԴԻՏԵԼ