Աղքատ երեխաները մանկություն չունեն. աշխարհը գողացել է այն

Միացեք Armenia Today Ֆեյսբուքյան խմբին։

Եթե Գյումրիի տնակներից մեկում ապրող երեխան մեկ օր հարցնի իր մորը, թե ով գողացավ իր մանկությունը, ապա նրա մայրը դժվար հասկանա իր երեխային ու չի կարողանա պատասխանել նրան: Հայաստանի փողոցներում քայլում են որբերը, պայքարում են մի կտոր հացի համար ու չեն հասկանում, թե ով գողացավ իրենց մանկությունը: Երբ մեծանան, նրանք կհիշեն իրենց հիվանդ մորը, սեղանին դրված հացի կտորտանքներն ու խոնավ կացարանը:

Ծննդյան տարեդարձ, ամանոր, նվերներ, երջանկություն, ժպիտ ու անհոգություն: Այս բառերը խորթ են այդ մանուկների համար, ովքեր ապրելու համար պայքարում են, իսկ ոմանք ուղղակի վայելում են: Վայելում են, քանի որ դա են տեսել ու սովորել: Վայելքների սիրահարների համար էլ խորթ են հացի, վառելափայտի, նվերների ու կուշտ փորով քնելու խնդիրները:

Երեխաներ կան, ովքեր չեն պատկերացնում, որ կարելի է դպրոց գնալ, սովորել ու լավ ապագա ունենալ, քանի որ չգիտեն, թե ինչ է տառը, գիրը, գիրքն ու ուսումը: Սակայն փոխարենը լավ են հասկանում, որ աղքատների համար երջանկությունը թաքնված է մի կտոր հացի մեջ: Այդքան պարզ ու հասարակն են աղքատները, ովքեր երջանկություն փնտրում են պարզ իրերի ու երևույթների մեջ:

Այդ երեխաները չունեն մանկություն, քանի որ գողացել են: Գողացել են, քանի որ նրանք աղքատ են, չունեն վառելափայտ ու ուտելիք: Քանի որ նրանք թույլ են ու անպաշտպան, իսկ բնության ու կյանքի օրենքները ցույց են տալիս, որ ուժեղները պետք է իշխեն, իսկ թույլերը՝ սովամահ լինեն:

Գողացել են նաև Աֆրիկայում ապրող մանուկների մանկությունը, ովքեր սովամահ են լինում ու կոտորվում: Սպանվում են ու մահանում հիվանդություններից, քանի որ նրանք էլ են աղքատներ: Քանի որ երեխան բացել է իրենց աչքերն ու տեսել, թե ինչպես է իր միայնակ մայրը պայքարում մեկ կտոր հացի համար: Նրանք նույնպես իրենց երջանկությունը փնտրում են մի կտոր հացի մեջ:

Աղքատները պարզ են, քանի որ փնտրում են հաց: Աղքատները միամիտ են, քանի որ մահանում են հացի համար: Աղքատ երեխաները մանկություն չունեն, քանի որ աշխարհը գողացել է այն:

Be the first to comment on "Աղքատ երեխաները մանկություն չունեն. աշխարհը գողացել է այն"

Leave a comment

Your email address will not be published.


*


ԴԻՏԵԼ