Քոչարյանի փաստաբանական թիմը պատրաստվում է գաղտնալսմանն արձագանքել կտրուկ և հեռուն գնացող հետևանքներով

Այսօր համացանցում հայտնված ԱԱԾ տնօրեն Արթուր Վանեցյանի, վարչապետի պաշտոնակատար Նիկոլ Փաշինյանի, և ՀՔԾ պետ Սասուն Խաչատրյանի հեռախոսազրույցի գաղտնալսման հետ կապված ՀՀ երկրորդ նախագահ Ռոբերտ Քոչարյանի  փաստաբանական թիմը պատրաստվում է կտրուկ արձագանքել։ Այս մասին ԼՈՒՐԵՐ.com-ի թղթակցի հետ զրույցում հայտնեց Ռոբերտ Քոչարյանի փաստաբան Հայկ Ալումյանը։

Միացեք Armenia Today Ֆեյսբուքյան խմբին։

Վերջինս նշեց, որ փաստաբանական թիմի կողմից անպայման կլինեն գործողություններ, որոնք իրենց բնույթով կլինեն շատ կտրուկ․ «Սա այն դեպքն է երբ ուղղակի պետք է ասենք՝ առանց մեկնաբանությունների։ Հիմա չենք ցանկանում ասել՝ ինչ ենք ձեռնարկելու, չենք ցանկանում նաև ասել՝ երբ ենք ձեռնարկելու, բայց այդ միջոցները կլինեն բավականին կտրուկ և հեռու գնացող հետևանքներ կունենան․ ես կարծում եմ դրանում հիմա ոչ ոք չի կասկածում»,— ասաց Ալումյանը։

Հարցին՝ ինչպիսի՞նն է եղել Ռոբերտ Քոչարյանի արձագանքը՝ Ալումյանն ասաց․ «Ես չեմ տեսել պարոն Քոչարյանին ձայնագրության հրապարակումից հետո,  բայց պատկերացրեք՝ ինչպիսին պետք է լինի մարդու արձագանքը, երբ նա լսում է՝ ինչ է տեղի ունենում իրեն կալալանավորելու ընթացքում, ինչ գործոններ են այնտեղ դեր խաղացել»։

Հիշեցնենք, որ այսօր համացանցում է հայտնվել Արթուր Վանեցյան, Նիկոլ Փաշինյան և Սասուն Խաչատրյան եռյակի հեռախոսազրույցի գաղտնալսված ձայնագրությունը, որտեղ խոսվում է Ռոբերտ Քոչարյանի և Յուրի Խաչատուրովի դատավարության և դատը վարող դատավորի մասին։

https://lurer.com/?p=306233&l=am

Be the first to comment on "Քոչարյանի փաստաբանական թիմը պատրաստվում է գաղտնալսմանն արձագանքել կտրուկ և հեռուն գնացող հետևանքներով"

Leave a comment

Your email address will not be published.


*


ԴԻՏԵԼ